S’Zweite Schluchböötli
Brig B380
S’Brig B380 hät wunderbari gradus Laufeigeschafte, und chunnt mitere Zueladig vo 200Kg no locker is gleite (Gwicht optimal verteilt), obwohl nur vomene 8PS Motor atriebe wird. Luut GPS mässig chumm ich uf 27Km/h. Für mich isch das es optimals Familie Böötli. Es isch günstig im vergliich zu andere Schluuchboot, und Qualität find ich sehr guet, wenn au ned überall Traumhaft kläbt worde isch.
Polizei meint:
Sogar Polizei hät gfunde ich segi z’schnäll (muess immer wieder luut lache wenn ich a das dänke, will ich ha würklich nur en 8 PS Mocke hinde dra). Mis chline Rännböötli!
BRIG Baltic Series B380
S’Zweite
- Böötli : Brig Baltic Series
B380 mit Holzbode - Gwicht: 66Kg
Tragkraft: 700Kg / 5 Persone - Motor: Honda 4 Takt, 8 PS
54Kg mit Bodesee Zuelassig - Maximalmotorisierung:
short: 30PS / 98Kg - Usselängi: 3.80m
Innelängi: 2,68m - Ussebreiti 1,75m
Innebreiti: 0,84m
Zuesätzlichi Beschriibig vom B380 original
So wie’s vom Hersteller glieferet wird. Witters unde was ich zuesätzlich a Usrüstig no dezue kauft ha.
Konstruktion:
Flachbode mit Holz, Rumpf mit Luftkiel, einvulkanisiertä Spiegel
Standardusstattig:
Fussblasebalg (untauglich), Bootsruum mit Selbstlenzventil, verstellbari Vordersitzbank und Hintersitzbank, Packtäsche für Bootshuut, Packtäsche für Bodeplatten, Haltegriff, Halteleine, Stechpaddel, und chlises Reparaturset
Original Zubehör:
Abdeckplane, Bug-Stautäsche, Untersitzstautäsche mit Sitzpolster, Bimini, Stüüerkonsole, Lenkig
Mini Usrüstig:
Eigebau Führersitz mit Staufach und Entlüftig (Staufach Inhalt: Metall Tank, Trännwand, Spezielle Schluuchboot Anker, diversi Seili, Nothorn, Notflagge, Werchzüg, Dokumäntefach mit allne Dokumänt für’s Böötli, Schöpfchelle, Karabinerhaage und e Chetti mit Schloss), Untersitzstautäsche mit Sitzpolster, 5 Rettigsweschte, Faltanker a 30m Leine, Enterhaage, 2 Wasserdichti Seeseck, Batterie für es Rundumliecht, Rundumliecht inkl. Halterig am Spiegel, elektrischi Pilgepumpi, Badeleitere und demontierbari Sliprädli.
zurück | nach obe | vor