Vorschrifte

Verkehrsvorschrifte für Sportböötli

Fahrregle

Schiff, wo nöd immatrikuliert sind und dere Längi under 2,50 m liet, sowie Strand-, Schluuch oder ähnlichi chline Vergnügigs- und Spielgerät dörft nur innerhalb de Uferzone von 150 m verkehre; sie dörfet nöd mit Motor usgrüstet sii.

Verhalte gägenüber Behördefahrzüg:
Jedes Schiff muess emene andere uswiche, wo mit blauem Blinkliecht fahrt oder wo bsunderi Schallzeiche git. Wenn notwändig isch d’Fahrt z’verlangsame oder gar azhalte.

Navigationsvorschrifte

Motorschiff, usgnoh Kursschiff, wo nachemene offizielle Fahrplan verchehred, dörf:

• die inneri Uferzone nur befahre, um a- oder abzlege, still liege oder Engstelle z’durchfahre; die nähmet debi de chürzesti Wäg;
• i de Uferzone dörfmer nöd schnäller als mit 10 km/h fahre.

Als inneri Uferzone gilt de Gwässergürtel bis zumene Abstand vo 150 m vom Ufer, als üsseri Uferzone diejenigi usserhalb de innere Uferzone bis zumene Abstand vo 300 m vom Ufer, vo Wasserpflanzebeständ, wo em Ufer vorglagert sind oder vo Ibauten im Gwässer.
Beständ vo Wasserpflanze wie Schilf, Binse und Seerose dörfet nöd durfahre werde. I de Regel isch en Abstand vo mindestens 25 m izhalte.
Die zueständigi Behörde chann d’Höchstgschwindigkeit vo 10 km/h uf die inneri Uferzone
beschränke wenn:

• wenn sich d’Uferzone nöchered, berühred oder überschnidet und d’Sicherheit vom Verkehr erforderet;
• dur das, namentlich längs steil abfallendi, unbewohnts Ufer, kei Beinträchtigunge vo de Schifffahrt oder andere Nachteil z’erwarte sind.

Allne Böötli isch es strängstens unterseit, sich fahrende Kurs-Schiff z’nöchere oder de Kurs z’chrüze.
Sie müend en Distanz vo mindestens 50 m zu allne sich im reguläre Dienst befindende Schiff und Abschleppschiff izhalte, ebeso zu allne Böötli vo Bruefsfischer mit de entsprächende Kännzeiche und en Distanz vo mindestens 200 m, wenn sie die am Bug chrüzet.
Fahrmanöver mit em eigene Boot sind zunterlah, wenn dadure anderi Boot gstört oder beschädigt werde chönnd.
Zugäng und d’Umgäbig vo de öffentliche Landigsstäge und Afahrzone müend frei ghalten werde; es dörfet keinesfalls d’Manöver vo de Schiff, wo öffentliche Dienst usübet, behinderet werde.
Die Böötli, die sich us entgege gesetzte Richtige chrüzet, müend uf die respektivi rächti Site uswiche, um damit en Minimal-Distanz vo 50 m izhalte.
Während de Chrüz- bzw. Überholmanöver müend sich alle Boot entferne, unter Berücksichtigung vo de folgende Vortrittsrächt:

• Kursschiff vor allne andere Schiff
• Güterschiff vor allne Schiff, usgnoh Kursschiff
• Schiff vo de Bruefsfischer, vor allne Schiff, usgnoh Kursschiff, Güterschiff
• Sägelschiff vor allne Schiff, usgnoh Kursschiff, Güterschiff und Schiff vo de Bruefsfischer
• Ruderboot vor allne Schiff mit Maschineatrieb, usgnoh Kursschiff, Güterschiff und Schiff vo de Bruefsfischer

Lichterfüehrig

Schiff mit Maschinenantrieb führet bei Nacht oder unsichtigem Wätter folgendi Lichter:

• Toppliechter müend uf em vordere Teil vom Schiff i de Mittellängseben abracht werde und en wiises Liecht, wo vore über en Horizontbogä von 225°, 112°, 30′ uf jedi Site sichtbar isch,
• als Sitenliechter uf Stüürbord es grüens und uf Backbord es rots hells Liecht, die vo vorne nah de beträffende Site über en Horizontbogä von 112° 30′ sichtbar sind,
• de Abstand vom Toppliecht vom Schnittpunkt vo de Verbindigslinie vo de Siteliechter mit de Mittellängsebeni muess mindestens 0.5 m oder meh beträge,
• als Heckliecht so nöch wie möglich am Heck in de Mittellängsebeni es wisses gwöhnlichs Licht, das vo hinde über en Horizontbogä von 135°, 67°, 30′ uf jedi Site sichtbar isch,
• Rundumliechter müend über en Horizontbogä vo 360° sichtbar sii.

Naturschutzgebiet

I de Nöchi vo de „Bolle di Magadino“, i dem mit „A“ und „B“ bezeichnete Zone, isch s’Baden sowie s’Fahre mit Böötli jeglicher Art bis uf Ufernächi vo 150 m verbote. S’Fahre mit Ruderboot isch bis uf 50 m gstattet. D’Alege isch uf jede Fall unterseit. S’Ufhalte i Naturschutzgebiet (Binsen- bzw. Schilfgürtel) isch ebefalls nöd erlaubt. Es müend i de Regel e Distanz vo mindestens 25 m ighalte werde.

Zrugg zu de Infos | nach obe | Vor zu de Sonderregle | Gfahre | Adrässe