R.I.B-LINE 4.7 Concept Jet


Supertender oder Funböötli: 4.7 Concept Jet


Zur Boot 2009 werdet mir dä RIB-Markt mit eusem B-zertifiziertä Pischel Ribline 4.7 Concept Jet ä neui Nische füllä.
Eusä neui Wolf im Schafspelz überzügt bii 350 kg Gwicht mit 108kW (145 PS) purer Leistig! Trotz ca. 50 kn Höchstgschwindigkeit bliibt er dur sini usgklüglete Rumpfform au bii Top Speed guet beherrschbar.

De Ribline 4.7 Concept Jet deckt extrem vieli Isatzbereiche gliichziitig ab. Er isch schnäll wie es Rännboot, komfortabel wie es Offshore RIB, wändig und agil wie en Jetski.

Nachts mit Belüchtig

Belüchtig isch mit LED’s gmacht. Gseht ned nur schön us, isch au sehr langläbig.


De V-Kiel isch sehr starch ufgkimmt, was de Ruwasserkomfort und d’Seegängigkeit erhöht. S’gringe Gwicht wird dur de handgfertigte Compositrumpf und de nur 80 kg schweri Innenborder erreicht.

Um ä optimale Performance uf’s Wasser z’bringen, händ mir euis für en in Markdorf (Dütschland) gfertigte Weber 750 Turbo Jet Motor entschiede.

D’Platzverhältniss und d’Rauwasserfähigkeit händ nüt mit emene usschlüsslich für de Tenderbereich gfertigte Jet Böötli gmeinsam. Die 1,85 m langi Polsterliegi und die serienmässigi Badeplattform machet us dem Bolide au es familietauglichs Toureböötli.

Die technischä Date:

Längi über Alles: 4,8 m
Breiti über Alles: 2,35 m
Gwicht je nach Usstattig inkl. Maschine: ab 350 kg
Höchstgschwindigkeit bii optimale Bedingige: 50 kn
Motor: Weber 750 Turbo Jet
(Made in Germany)
Leistig: 108 kW (145 PS)
CE Categorie: B




top ↑



zurück | nach obe | Übersicht